لیژنەیەك بـۆ وەرگرتنا گەنمـێ جۆتیاران هاتیە پێكئینان
هەولێر، قائید میرۆ:
بەپرسەكێ وەزارەتا بازرگانی و پیشەسازی ئاشكراكر، لیژنەیەك بۆ وەرگرتنا گەنمێ جۆتیاران هاتیە پێكئینان و دبێژیت: ژ لایێ كەرتێ تایبەت ڤە هەموو گەنمێ جۆتیارا دێ هێتە كڕین و بۆ بازاڕێن دەرڤە دێ هێتە هنارتن.
نەوزاد شێخ كامل، رێڤەبەرێ گشتیێ بازرگانی بۆ رۆژناما ئەڤرۆ دیاركر، پرۆسێسا وەرگرتنا گەنمێ جۆتیاران دەستپێكریە و بڕیارە بۆ دەمێ مەهەكێ یا بەردەوامبیت و گۆت: «ژبلی وان 400 هزار تەنێن دهێنە وەرگرتن، بڕیارە ژ لایێ حوكمەتا هەرێما كوردستانێ و ب رێیا كۆمپانیێن كەرتێ تایبەت گەنمێ جۆتیاران بهێتە وەرگرتن، پشتی پرۆسێسا گشتی ب دوماهی دهێت، ژ لایێ دو كۆمپانیێن ناڤخۆ رێژەیەكا گەنمی دێ هێتە وەرگرتن».
گۆت ژی: «لیژنەیەك ژ لایێ سەرۆكایەتیا جڤاتا وەزیران هاتیە پێكئینان و بڕیارە ئاسانكاری بۆ بازرگانێن ناڤخۆ بهێتە كرن، هەتا گەنمێ جۆتیاران بكڕن و بۆ بازاڕێن جیهانێ بهێتە هنارتن، ب تایبەتی پشتی كۆمبوونا دوهی یا سەرۆكایەتیا جڤاتا وەزیران، هەموو بزاڤ دهێنە كرن ئاڕێشەیا وەرنەگرتنا گەنمێ جۆتیاران بهێتە چارەسەركرن و نەمینیت».
