لیڤەرپول یاریزانەکێ بەرێ یێ مانچێستەر کریە ئارمانجا خوە
ئەڤرۆ نیوز:
یانا لیڤەرپول بۆ ڤەگوھاستنێن بھێت دخوازیت ھەڤبەستێ ل گەل یاریزانەکێ بەری نوکە یێ یانا مانچێستەر یوناید ئیمزا بکەت.
رۆژناما زەسەن یا برێتانی دیارکریە یانا لیڤەرپول ماوەکێ درێژە یا دیڤچوونا ستێرا یانا لیون و یاریزانێ ھەلبژارتیێ ھولەندا ممپیس دیپای ئەوی ل وەرزێ ئەڤ سالە شیای ئاستەکێ بلند ل گەل یانا خوە دخولا فرەنسا دا و قارەمانیا چامپیونیز لیگ پێشکێش بکەت.
زێدەتر وێ رۆژنامێ ئاشکراکریە ژی ل حەفتیا بوری یانا لیڤەرپول لژنەیەکا تایبەت ھنارتبوو وەلاتێ فرەنسا بوو دیتنا یاریا مارسیلیا و لیون ژ خولا فرەنسا و ل نێزیک دیڤچوونا ئاستێ وی یاریزانی.
ھەژی گوتنێ یە ممپیس دیپای یێ ٢٥ سالی ل وەرزێ ئەڤ سالە پشکداری د ٤٥ یاریێن یانا لیون دا کریە و شیا ١٠ گولان توماربکەت و ١٥ گولان ژی بوو ھەڤالێن خوە بەرھەڤبکەت و بەری نوکە یاری ل یانێن ئایندھوڤن یا ھولەندی و مانچێستەر یوناید کریە.
