لێبرینا %21 یا مووچەی چەند هەیڤێن دیتر دێ یا بەردەوام بیت
ئەڤرۆ نیوز، زنار تۆڤی:
لێبرینا مووچێ فەرمانبەرێن هەرێما کوردستانێ هەتا چەند هەیڤێن دیتر دێ یا بەردەوام بیت، حوکمەتا هەرێما کوردستانێ دڤێت هەتا پەسەندکرنا بودجێ عیراقێ دێ 30 رۆژان جارەکێ 79% یا مووچەی دابەش کەت.
لدووڤ ژێدەرەکێ جڤاتا وەزیرێن هەرێمێ: لدووڤ وێ رێککەفتنا ل گەل عیراقێ هاتیە کرن، هنارتنا 320 ملیار دیناران هەتا پەسەندکرنا بودجێ گشتی دێ یا بەردەوام بیت، هەروەسا ڤرێکرنا بەشە بودجێ هەرێما کوردستانێ ژ بەغدا ڤە ل گەل داهاتێ نافخۆ یێ هەرێما کوردستانێ، حوکمەت هەیڤانە و 30 رۆژان جارەکێ دێ 79% یا مووچەی دەتە فەرمانبەران.
