لێڤه‌رپۆل تووشى دوراندنه‌كا نه‌چاڤه‌رێكرى بوو
ئه‌ڤرۆنيوز:
دچارچۆڤێ گه‌را چارێ ژ ياريێن كۆما سيێ ژ خۆلا قاره‌مانێن ئۆرۆپا، به‌رى ده‌مه‌كێ كێم ياريا لێڤه‌رپۆل يا ئينگليزى ومێهڤاندارا خوه يانا سرفينا زفيزدا يا سربى ب ئه‌نجامه‌كێ نه‌چاڤرێكرى بۆ لێڤه‌رپۆل ب دووماهى هات ده‌مێ ب دو گۆلان بێ به‌رامبه‌ر تووشى دووراندنێ بووى.
هه‌ردو گۆلێن يانا سربى ل خۆله‌كێن 22 و29 هاتن تۆماركرن، د ياريا ئێكێ دا دناڤبه‌را هه‌ردو يانان، لێڤه‌رپۆل سه‌ركه‌فتنه‌كا مه‌زن ب ئه‌نجامێ 4-0 ل ياريگه‌ها خوه تۆماركر، ب ڤى ئه‌نجامى، يانا سربى خزمه‌ته‌كا مه‌زن پێشكێشى هه‌ردو يانێن هه‌ڤركێن لێڤه‌رپۆل دڤێ كۆمێ دا كر ئه‌وژى باريس سان جيرمان يا فه‌ره‌نسى وناپۆلى يا ئيتالى.
ب ڤى ئه‌نجامێ لێڤه‌رپۆل ب شێوه‌كێ به‌روه‌خت ل سه‌ر كۆمێ دهێت ب 6 خالان وناپۆلى ل رێزا دويێ دهێت ب 5 خالان وباريس سان جيرمان ب 4 خالان ل رێزا سيێ دهێت وسرفينا يا سربى ل رێزا چار ب 4 خالان دهێت.
برياره پشتى ده‌مه‌كێ كێم ياريه‌كا ب هێز دڤێ كۆمێ دا بهێته كرن دناڤبه‌را ناپۆلى يا ئيتالى ومێهڤانا وێ باريس سان جيرمان يا فه‌ره‌نسى.
