لێڤه‌رپۆل جاره‌كادى هاته سه‌رێ رێزبه‌ندا خۆلا ئينگليزى
ئه‌ڤرۆنيوز:
به‌رى ده‌مه‌كێ كێم ياريا يانا لێڤه‌رپۆل ومێهڤانا وێ بورنموس ب ئه‌نجامێ 3-0 بۆ لێڤه‌رپۆل ب دووماهى هات وب ڤێ چه‌ندێ لێڤه‌رپۆل جاره‌كادى هاته سه‌رێ رێزبه‌ندا خۆلا ئينگليزى يا ته‌پا پێ.
هه‌رسێ گۆلێن لێڤه‌رپۆل ژلايێ ياريكه‌رێن وێ مانى وفاينالدۆم وسه‌لاح ل خۆله‌كێن 24 و34 و 48 هاتن تۆماركرن.
ب ڤى ئه‌نجامى لێڤه‌رپۆل خالێن خوه گه‌هاندنه 65 خالان ل سه‌رێ رێزبه‌ندا خۆلێ ب جوداهيا 3 خالان ژ يانا مانشسته‌ر سيتى ويانا بورنموس ب 33 خالان ل رێزا 11 دهێت.
