لێڤه‌رپۆل وه‌كهه‌ڤ بوو وسه‌رێ رێزبه‌ندێ ژده‌ست دا
ئه‌ڤرۆنيوز:
دياريێن گه‌را حه‌فتێ دا ژ خۆلا ئينگليزى يا ته‌پا پێ، يانا لێڤه‌رپۆل پشتى شه‌ش سه‌ركه‌فتنان ئه‌ڤرۆ شه‌مبيێ ل ده‌رڤه‌ى ياريگه‌ها خوه ل گه‌ل يانا شيلسى ب ئه‌نجامێ 1-1 وه‌كهه‌ڤ بوو.
گۆلا يانا شيلسى ل خۆله‌كا 25 ژلايێ ياريكه‌رێ وێ يێ به‌لجيكى ئيدن هازارد هاته تۆماركرن وگۆلا وه‌كهه‌ڤيێ يا لێڤه‌رپۆل ل خۆله‌كا 89 ژلايێ دانيێل ستوريدج ڤه هاته تۆماركرن.
ب ڤى ئه‌نجامى يانا لێڤه‌رپۆل خالين خوه گه‌هاندنه 19 خالان ل رێزێ دويێ پشتى رێزا ئێكێ ژده‌ستداى بۆ يانا مانشسته‌ر ستى ئه‌وا ل سه‌رێ رێزبه‌ندێ دهێت ب 19 خالان ب جوداهيا گۆلان ل گه‌ل لێڤه‌رپۆل خودانا رێزا دويێ. يانا شيلسى ژى خالێن خوه گه‌هاندنه 17 خالان ول رێزا سيێ دهێت.
