لەھیان خەلکێ دھۆکێ ب ٩٩ ملیۆن دیناران زەرەرمەند کر
ئەڤرۆ نیوز، ئەمیر ئەترووشی:
بەرپرسێ راگەھاندنا رێڤەبەریا بەرەڤانیا باژێری ل پارێزگەھا دھۆکێ راگەھاند، ژ ئەگەرێ پەیدابوونا 14 لەھیان د دەمێ دو حەفتیێن بۆری دا ل پارێزگەھا دھۆکێ، 99 ملیۆن دینار زیان ل پشت خوە ھێلاینە.
رائیدێ مافپەروەر بێوار عەبدولعەزیز، بەرپرسێ راگەھاندنا رێڤەبەریا بەرەڤانیا باژێری ل پارێزگەھا دھۆکێ بۆ ئەڤرۆ نیوز دیار کر ئەڤ سالە زڤستانەکا پاییزی دەستپێکر و زوو باران بارین و ب رێژەیێن مەزن ھاتن، ھەتا گەھشتیە وی رادەی بەری زڤستان ب سەر باژێری دا بھێت لەھی پەیدابووینە و ئەو بارانێن د ماوێ دو حەفتیێن بۆری دا ل پارێزگەھا دھۆکێ پەیدابووین بوونە ئەگەر 14 روودانێن لەھیان پەیداببن و د ڤان روودانان دا و ڤان روودانان ب کۆژمێ 99 ملیۆن دیناران زیانێن دراڤی ل دووڤ خوە ھێلان.
ناڤبری ئاشکرا ژی کر کو د ڤان 14 روودانێن لەھیان دا، 11 مال بن ئاڤبووینە و دو بەنداڤ پەقینە و پرۆژەکێ مریشکان ژی بن ئاڤبوویە و ھندەک روودانێن لەھیان یێن بچووک ژی پەیدابووینە، بەلێ زیان ل دووڤ خوە نەئیناینە.
