لە تورکیا هاتوون لە سەیدسادق دوکانێکی ئاڵتوون ببڕن
ئەڤرۆ نیۆز، عەزیز هەورامی:
لە ڕاگەیەندراوێکی بەڕێوەبەرایەتی پۆلیس لە بارەی دەستگیرکردنی چوار تۆمەتبار بەڕەگەز تورک بۆ مەبەستی دزینی ئاڵتوون هاتبوونە باشووری کوردستان و لە قەزای سەیدسادق سەربەپارێزگای سلێمانی کۆپێکی بۆ ئەڤرۆنیۆز هاتووە تێداهاتووە،بەڕێوەبەرایەتی پۆلیسی پارێزگای سلێمانی زانیاری پێگەیشت لەبارەی چوار تۆمەتبارەوە كە لەوڵاتی توركیاوە هاتوونەتە هەرێمی كوردستان و بەنیازن لە قەزای سەیدسادق چەند دوكانێكی ئاڵتون فرۆشی ببڕن.
پۆلیسی سلێمانی دەڵێ،دوای وەرگرتنی فەرمانی دادوەر و بەسەرپەرشتی ڕاستەوخۆی بەڕێوەبەری پۆلیسی پارێزگای سلێمانی لێكۆڵینەوەكان دەستیپێكردوو دوای چاودێرییەكی ورد توانرا لەلایەن مەفرەزەكانی بنكەی پۆلیسی حەسار – بەشی پۆلیسی سەیدسادق لەكاتی ئەنجامدانی تاوانەكە هەر چوار تۆمەتبار دەستگیربكرێن .
هەروەها هاتووە،لەكاتی دەستگیركردنی تۆمەتباراندا دەستگیراوە بەسەر ئۆتۆمبێلێك و چەند ئامێرێكی كونكردنی دیوار و چەندین پارچە پۆشاك و پێڵاودا كە تۆمەتباران ویستویانە بۆ سەرلێشێواندنی تیمەكانی پۆلیس لەكاتی هەڵگرتنەوەی بەڵگەدا بەكاری بهێنن. پۆلیسی سلێمانی زانیاری زیاتر ئاشکرادەکات،دەڵێ:” تۆمەتباران ویستویانە دوای ئەنجامدانی تاوانەكە ڕاستەوخۆ بگەڕێنەوە بۆ وڵاتی توركیا و لەوێ ئاڵتونەكان ساغ بكەنەوە.
لەئێستادا تۆمەتباران بەفەرمانی بەڕێز دادوەر ڕاگیراون و لێكۆڵینەوە لەگەڵیان بەردەوامە.
