ل ئاكرێ بەرهەڤی بۆ رێگریكرن ل دروستبوونـا لەهیان دهێنە كـرن
رەمەزان زەكەریا:
ب مەرەما ڕێگریكرن ل دروستبوونا لەهیان و پاراستنا سلامەتیا وەلاتییان، هەوەكا بەرفرەها پاقژكرنا ئاڤڕێژ و سۆلینان ل سنۆرێ باژێرڤانیا ئاكرێ هاتە ئەنجامدان.
زێرەڤان تەمۆ، پەیڤدارێ سەرۆكاتیا باژێرڤانیا ئاكرێ بۆ ئەڤرۆ گۆت: «ب مەرەما ئاسانكرنا چوونا ئاڤا بارانێ و كێمكرنا مەترسیێن لەهیان ، هۆبەیا خزمەتگوزارییان ل سەرۆكاتیا باژێرڤانیا ئاكرێ، ب هەماهەنگی ل گەل كۆمپانیا (MRF) رابوو ب هەوەكا بەرفرەهـ و بۆ پاقژكرنا تۆڕێن ئاڤڕێژ و سۆلینان ل جهێن جودا یێن باژێڕی».
ناڤبری گۆت ژی: «تیمێن مە د ئامادەباشیا بەردەوام دانە بۆ هەر حالەتەكێ چاڤەرێ نەكری و ئەو جهێن ئەگەرێ كۆمبوونا ئاڤێ و دروستبوونا لەهیان هەبیت، هەمی دێ هێنە پاقژكرن».
