ل دهۆكێ تیروركرنا پارێزه‌ر تاهر ئێلچى هاته شه‌رمه‌زاكرن
ئه‌ڤرۆ نیوز:
رێكخراوا مافێن مروڤ ل كوردستانێ ل دهوكێ د به‌یاننامه‌كێ دا كوشتنا پارێزه‌ر تاهر ئێلچى هاته شه‌رمه‌زاكرن و داخواز كریه ب زووترین ده‌م بكه‌رێن ئه‌ڤى كارى تیرورى بهێنه ئاشكه‌راكرن و بگه‌هنه سزایێن خویێن دادى ئه‌ڤه ده‌قێ به‌یاننامێ یه:
یاداشتناما نه‌رازیبوونێ
ل هه‌مى وه‌لاتان كه‌سانێن ره‌خنه‌گر و چالاكڤان دوارێ مافێن مروڤیدا هه‌نه و ره‌خنه‌كا ئاڤاكه‌ر دكرن لسه‌ر كارێن ده‌ستهه‌لاتى وپیتڤیه ده‌ستهه‌لات بسینگه‌كى به‌رفره‌هـ ڤان جوره رخنا وه‌ربگریت ژبو ئاڤاكرنا وه‌لاتێ خو .
به‌لى جهێ داخێ یه كو ل وه‌لاتێ توركیا و ل باكورێ كوردستانى ره‌خنه و په‌یڤا ئازاد یا بویه جهى گومانێ بو ده‌ستهه‌لاتى ؟
وكه‌سێن ره‌خنێ دكرن دهینه دسته‌سه‌ركرن وتیرور دكه‌ن ، روژا شه‌مبى ل باژارێ ئامه‌دێ پارێزه‌ر و چالاكڤان ( تاهر ئێلجى ) سه‌روكێ سه‌ندیكا پارێزه‌را و سه‌روكێ رێكخراوا مافێن مروڤى ل ئامه‌د هاته تیرور كرن بده‌ستێن ……. ؟؟؟
ئه‌م بناڤێ رێكخراوا مافێن مروڤ ل كوردستانێ / دهوكێ ئه‌ڤى كارى ریسوا و مه‌حكوم و شه‌رمه‌زار دكه‌ین ، چونكه ئه‌م وه‌كو جڤاكێ مه‌ده‌نى دژى هه‌ر كاره‌كێ تیرورى و خوون رێتن و توند و تیژینه ، وه مێژوویێ ژى یا سه‌لماندى كو ب توند و تیژى چاره‌سه‌ریا هیچ ئاریشه‌یه‌كێ ناهێنه‌كرن به‌لكو برێیا دانوستاندنێ هه‌مى ئاریشه دهێنه‌چاره‌سه‌ركر .
له‌ورا داخوازێ دكه‌ین:
1- ب زووترین ده‌م بكه‌رێن ئه‌ڤى كارى تیرورى بهێنه ئاشكه‌راكرن و بگه‌هنه سزایێن خویێن دادى
2- دڤێت جڤاكێ نێڤ ده‌وله‌تى ب گشتى و ئێكه‌تیا ئه‌وروپى ب تایبه‌تى خو ل ئه‌ڤان كه‌یسا بكه‌ته خودان و ئاشكه‌را بكه‌تن .
3-هه‌روه‌سا داخازێ ژ وه‌لاتێ تركیا دكه‌ین به‌رده‌وامى یێ بده‌نه دانوستاندنێن خو بوچاره‌سه‌ركرنا كێشا كوردان وكارێن تیرورێ دێ پتر بنه ئاسته‌نك درێیا چاره‌سه‌ركرنا پروسێسا ئاشتیێ .
4- یا ژ هه‌موویێ گرنگتر ئێك رێزى و ئێك هه‌لویستیا نه‌ته‌وا كورده ل باكورێ كوردستانێ و هه‌ر چوار پارچێن كوردستانێ داكو ب رێكێن ئاشتى و داد په‌روه‌رى ل سه‌ر رویێ ئه‌ردى بژین.
دگه‌ل رێزگرتن
رێكخراوا مافێن مروڤ ل كوردستانێ
دهوكێ
28/11/2015
