ل دهۆكێ چاندنا مه‌مكى ده‌ستپێكر
ئه‌ڤرۆنيوز:
ژ ئه‌گه‌رێ نه‌خوه‌شیا په‌نجه‌شێرا مه‌مكى ل ده‌ف ژنان، گه‌له‌ك ژن نه‌چار بووينه كو مه‌مكێ وان ژلایێ نوشدارى ڤه بهێته برین و نوشداره‌كێ تایبه‌تمه‌ند ل دهوكێ دیاركر كو ئه‌و ئێدى دشێن مه‌مكا بچینن و دروستبكه‌ن هه‌كه مه‌مك هاته برین.
سه‌لاح ئه‌حمه‌د محه‌مه‌د، نوشدارێ تایبه‌تمه‌ندێ نه‌خوه‌شیێن جوانكاریێ ل نه‌خوه‌شخانا سوتنێ وجوانكاريێ بۆ نوش نیوز گوت: ئه‌م نها دشێن مه‌مكه‌كى بۆ ئافره‌تێ دروست بكه‌ین هه‌كه مه‌مكێ وێ ژ ئه‌گه‌رێ نه‌خوه‌شیا په‌نجه‌شێرا مه‌مكى هاتبیته برین و ژێڤه‌كرن، لێ شیر ناهێته وى مه‌مكى و وه‌ك یێ به‌رى نازڤریت چونكه ئه‌و ره‌شكا د مه‌مكێ ئافره‌تێ دا هه‌ى ده‌ما ژ ئه‌گه‌رێ په‌نجه‌شێرێ هاتبیته برین یا ب زه‌حمه‌ته جاره‌كا دى وه‌كو وێ ره‌شكێ بهێته دروستكرن هه‌رچه‌نده ئه‌م دروست دكه‌ین لێ ب ره‌نگان و هنده‌ك كه‌رستێن دى ره‌شك دروست دبیت وه‌ك یا ده‌ستپێكێ دروست نابیت له‌ورا فه‌ره ده‌ما ژنه‌كێ په‌نجه‌شێرا مه‌مكى هه‌بیت نوشدار بزانیت په‌نجه‌شێر د كیش جهى دایه و هه‌مو مه‌مكى و ره‌شكێ ژێڤه نه‌كه‌ت و گوت ژى: ئه‌م پارچه‌كا گوشتى و پیستى ژ له‌شێ وێ ڤه‌دكه‌ین و د سینگێ ڤه دنین و ب هنده‌ك ره‌نگا ره‌شكێ دروست دكه‌ین و وه‌ك مه‌مكه‌كى دى دروست دبیت لێ شیر ناهێته وى مه‌مكى ئه‌وێ ئه‌م دروست دكه‌ین و هه‌تا نها من ب خوه (2) مه‌مك دروستكرینه و دبیت هنده‌ك نوشدارێن دیتر ژى مه‌مك چاند بن.
گۆت ژى، فه‌ره هه‌موو نوشدارێن په‌نجه‌شێرێ پێكڤه كۆم ببن و بریارا ژێڤه‌كرنا مه‌مكى ب پێكڤه بده‌ن، چونكى گه‌له‌ك جاران پێتڤى ناكه‌ت هه‌موو مه‌مك بهێته برین له‌ورا فه‌ره هه‌موو نوشدار پێكڤه بریارا وێ چه‌ندێ بده‌ن نه‌كو نوشداره‌ك بتنێ بریارا برینا مه‌مكى بده‌ت.