ل دھۆکێ تابلۆیێن نوو یێن ترۆمبێلان دھێنە گوھۆرین
ئەڤرۆ، ناجی بەدەل:
رێڤەبەرێ پەیوەندی و راگەھاندنا رێڤەبەریا ھاتنوچوونا پارێزگەھا دھۆکێ دیار کر کو کارگەھا تابلۆیێن ترۆمبێلان بۆ ئەوان ترۆمبێلان دانایە کو ژمارا کاتینە و دخوازن ترۆمبێلێن خوە تابلو بکەن.
رائیدێ ماف پەروەر ئازاد تاھا رێڤەبەرێ پەیوەندی و راگەھاندنا رێڤەبەریا ھاتنوچوونا پارێزگەھا دھۆکێ بۆ ئەڤرۆ راگەھاند کارگەھا ئێکێ یا دروستکرنا تابلۆیان ل پارێزگەھا دھۆکێ کو سەر ب رێڤەبەریا ھاتنوچوونێ ڤەیە دوھی 13\102014 دەست ب کارێ خوە کر و گۆت “نھا ئەو تابلۆیێن نوو دێ بەس بۆ ترۆمبێلێن ژمارێن کاتی بیت و پشتی ھەفتیەکا دی ھەر ترۆمبێلەکا بخوازیت یان ل گۆر گوھارتن و برێڤەبرنا مامەلێن خوە دێ گوھارتنا ئەوێ تابلۆی بۆ ھێتە کرن”.
رائیدێ مافپەروەر ئەو ئێکە ژی دیار کر ئیدێ پێدڤی ناکەت تابلۆ بھێتە خەملاندن ب فسفوری، بەلکو ئەو ب خوە یێ دروستە و ب شێویەکێ جوان و دیزاینەکا باش ھاتیە دروستکرن.
