ل دۆر ڤه‌گۆهاستنێ بۆ ريال مه‌دريد نيمار ئاخڤت
ئه‌ڤرۆنيۆز:
ياريكه‌رێ هه‌لبژارتيێ به‌رازيل ويانا پاريس سان جيرمان يا فره‌نسى بۆ جارا ئێكێ ل دۆر وان راپۆرتێن رۆژنامه‌ڤانى ئه‌وێن به‌حسێ ڤه‌گوهاستنا وى بۆ ريال مه‌دريد دكه‌ن ئاخڤت.
نيمار يێ 25 سالى ل هاڤينا بۆرى ب گۆژمێ 222 مليۆن يورۆيان ژ به‌رشه‌لونا چوبو پاريس سان جيرمان، به‌لێ ده‌نگوباسێن زڤرينا وى بۆ خۆلا ئيسپانى ب تايبه‌تى بۆ يانا ريال مه‌دريد گه‌له‌ك به‌لاڤببوون پشتى سه‌رهلدانا ناكۆكيان دناڤبه‌را وى وهنده‌ك ياريكه‌رێن يانا فره‌نسى.
رۆژناما (ئه‌لموندۆ ديبورتيڤۆ) يا ئيسپانى ژزارده‌ڤێ نيمارى ل دۆر وان ده‌نگوباسێن هاتنا وى بۆ رێزێن ريال مه‌دريد، گۆت( ئه‌ڤه تشته‌كێ نه‌باشه دهيته گۆتن) وه‌كو به‌رسڤه‌ك ژلايێ نيمارى ڤه بۆ پرسيارێن رۆژنامه‌ڤانان.
هژماره‌كا ياريكه‌رێن ريال مه‌دريد وه‌كو رامۆس، كاسيميرۆ ودانى پێشوازى ل ده‌نگوباسێن هاتنا نيمارى بۆ ناڤ رێزێن ريال كربوو.
