ل زاخۆ کچەک ب گولەیەکێ خوە دکوژیت
ئەڤرۆ نیوز، عەلی حاجی :
بەرپرسێ راگەهاندنا ساخلەمیا زاخۆ بۆ ئەڤرۆ نیوز دیار کر ل درەنگیا شەڤا دەرباز بوویی ل ئێک ژ تاخێن باژێرێ زاخۆ کچەکا ١٨ سالی ب گولەیەکا دەبانجێ دوماهیێ ب ژیانا خوە دئینیت .
زێدەتر ئەمیر عەلی گۆت: (شەڤا بوری ل روژا ئەینیێ دەمژمێر ١١:٣٠ی تەرمێ کچەکا ١٨ سالی بۆ نەخوشخانا زاخۆ هاتە رەوانە کرن و ل دویف بۆ پزیشکیا داد پشتی ڤەکولین هاتیە کرن دیار بوو کچەکا ١٨ سالی ل دەمژمێر ١١ی شەڤ ل تاخێ عەباسیکێ ب گولەیەکا دەبانجێ ژ ئەگەرەکێ نەدیار دوماهی ب ژیانا خوە ئینا و پاشی تەرمێ وێ کچێ بۆ پزیشکیا داد ل باژێرێ دهوکێ هاتە رەوانە کرن و د ڤێ دەربارەی دا پولیسان ژی دەست ب ڤەکولینین خوە کری یە ل دور زانینا ئەگەرێن خوە کوشتنا وێ کچا ١٨ سالی ل باژێرێ زاخۆ).
