ل سلێمانیێ هژماره‌كا چه‌كداران ته‌قه ل باره‌گه‌هێ پارتی كر
ئه‌ڤرۆ نیۆز، قائید میرۆ
به‌رپرسه‌كێ بلندێ پارتی ل پارێزگه‌ها سلێمانیێ ئاشكراكر، ل سلێمانیێ هژماره‌كا چه‌كدارا ته‌قه ل باره‌گه‌هێ پارتی كرن و ئه‌و كه‌سێن ته‌قه ل سه‌ركردایه‌تیا پارتی كرین ل سلێمانیێ دو ترۆمبێل ڤێبووینه و به‌ره‌ف جهه‌كێ نه‌دیار ره‌ڤینه.
سه‌عید سه‌لیم، به‌رپرسێ لقا چوار یا پارتی دیموكراتی كوردستان ل سلێمانیێ ب ئه‌ڤرۆ نیۆز راگه‌هاند” ئه‌ڤ شه‌ڤه پشتی ده‌مژمێر ده‌هی شه‌ڤێ هژماره‌كا چه‌كداران ته‌قه ل باره‌گه‌هێ جڤاتا سه‌ركردایه‌تیا پارتی ل باژێڕێ سلێمانیێ كر و ژبلی زیانێن ماددی چو زیانێن گیان نه‌بوون و پشتی ته‌قه‌كرنێ ئه‌ف چه‌كدار به‌ره‌ف جهه‌كێ نه‌دیار ره‌ڤین و هێزێن ئه‌منی گه‌هشتنه جهێ روویدانێ”
سه‌عیدی گۆتژی” ئه‌ڤان چه‌كداران دو ترۆمبێل پێبوون ئێك ژ جۆرێ ئه‌ڤه‌لۆن ره‌نگێ ره‌ش و ترۆمبێله‌كا نیسان ئالتیما ره‌نگێ سپی، هه‌تا نوكه ژی چو كه‌سه‌ك ب تۆمه‌تا ته‌قه‌كرنێ نه‌هاتیه ده‌سته‌سه‌ركرن وئه‌ڤه 23 جاره ته‌قه ل باره‌گایێ پارتی دهێته‌كرن