ل سێ خۆله‌كێن دووماهيێ به‌رشه‌لونا ب سه‌ركه‌فت
ئه‌ڤرۆنيوز:
دگه‌را 11 يا خۆلا ئيسپانى يا ته‌پا پێى، يانا به‌رشه‌لونا بوو خودانا رێزا ئيكێ درێزبه‌ندا خۆلێ دا بۆ مێهڤانا يانا رايو فاليكانۆ خودانێ رێزا 19 وبه‌رى دووماهيێ.
يانا به‌رشه‌لونا ل خۆله‌كا 11 ب گۆله‌كا سواريزى پێشكه‌فت ويانا راپۆ فاليكانۆ ل خۆله‌كا 36 گۆلا وه‌كهه‌ڤيێ ب رێيا ياريكه‌رێ خوه بوزو تۆماركر، ل گێمێ دويێ رايو فاليكانۆ كونترۆلا ياريێ كر وشيا ل خۆله‌كا 57 گۆلا دويێ تۆمار بكه‌ت ب رێيا ياريكه‌ر گارسيا، به‌لێ ياريكه‌رێ فه‌ره‌نسى عوسمان دێمبلى شيا به‌رشه‌لونا ژ دوراندنه‌كا مسوگه‌ر قورتال بكه‌ت پشتى گۆلا دويێ ووه‌كهه‌ڤيێ بۆ به‌رشه‌لونا ل خۆله‌كا 87 تۆماركرى ول خۆله‌كا 90 ودووماهيێ سواريزێ گۆلا سيێ وسه‌ركه‌فتنێ بۆ به‌رشه‌لونا تۆماركر.
ب ڤى ئه‌نجامى يانا به‌رشه‌لونا خالێن خوه گه‌هاندنه 24 خالان وجهێ خوه ل رێزا ئێكێ ل سه‌رێ رێزبه‌ندا خۆلێ موكمتر لێكر ويانا رايۆ فاليكانۆ ب 6 خالان ل رێزا 19 وبه‌رى دووماهيێ دهێت.