ل شنگالێ هه‌ژماره‌كا چه‌كدارێن داعش هاتنه كوشتن
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه ئاشكراكر، ب ئه‌گه‌رێ بۆردومانا فڕۆكه‌یێن هه‌ڤپه‌یمانان ل سه‌نته‌رێ قه‌زا شنگالێ هژماره‌ك چه‌كدارێن داعش هاتنه كوشتن.
عیسا زێوه‌یی، فه‌رماندێ پێشمه‌رگه‌ی ل میحوه‌رێ شنگالێ ب ئه‌ڤرۆ نیۆز راگه‌هاند” شه‌ڤا بۆری فڕۆكه‌یێن هه‌ڤپه‌یمانان سێ بنگه‌هێن چه‌كدارێن تیرۆرستێن داعش ل سه‌نته‌رێ باژێڕێ شنگالێ كرینه ئارمانج و هه‌ر ئێك ژ خالێن 104 و 105 بته‌مامی هاتینه ژناڤبرن.
زێوه‌یی گۆت ژی” فڕۆكه‌یێن هه‌ڤپه‌یمانان گورزێن كوژه‌ك ل چه‌كدارێن داعش داینه و گوره‌ی زانیاریێن گه‌هشتینه مه، ب ئه‌گه‌رێ بۆردومانا شه‌ڤا بۆری هژماره‌ك چه‌كدارێن داعش هاتینه كوشتن و زیانێن مادی ژی یێن مه‌زن گه‌هشتینه بنگه‌هێن تیرۆرستان.
