ل شنگالێ هژماره‌كا چه‌كدارێن داعش هاتنه كوشتن
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ل میحوه‌رێ شنگالێ دیاركر، ئه‌ڤرۆ فڕۆكه‌یێن هه‌ڤپه‌یمانان باره‌گایێن داعش بوردۆمانكرن و هژماره‌ك داعش كوشتن.
هاشم سیته‌یی، فه‌رماندێ لیوا هه‌شت یا وه‌زاره‌تا پێشمه‌رگه‌ی بۆ ئه‌ڤرۆ نیۆز گۆت” د هێرشا دوهی دا دوماهی ئامارا كوشتیێن داعش گه‌هشته 50 چه‌كداران و ئه‌میره‌كێ خه‌لكێ ته‌له‌عفه‌رژی ته‌رمێ وی دناڤا كوشتیاندایه و دڕبه‌كا كوژه‌ك ب داعش كه‌فت.
سیته‌یی گۆتژی” ئه‌ڤرۆ فڕۆكه‌یێن هه‌ڤپه‌یمانان بنكه و باره‌گایێن تیرۆرستێن داعش ل تاخێ سه‌ید زه‌ینه‌ب بوردۆمانكرن و د ئه‌نجامدا هژماره‌ك چه‌كدارێن وان هاتنه كوشتن، به‌لێ هژمارا كوشتیێن ئه‌ڤرۆ ناهێته زانین.
