ل میحوه‌رێ گوێڕ پیلانا هێرشه‌كا داعش هاته ژناڤبرن
ئه‌ڤرۆ نیۆز، قائید میرۆ
ل میحوه‌رێ گوێڕ گروپا تیرۆرستێن داعش لبه‌ربوو هێرشی سه‌ر هێزێن پێشمه‌رگه‌ی بكه‌ن، به‌لێ به‌ری هێرشێ فڕۆكه‌یێن هه‌ڤپه‌یمانان كاروانێ داعش بوردۆمانكرن و هژماره‌ك چه‌كدارێن وان هاتنه كوشتن.
ژێده‌ره‌كێ به‌رپرس ل فه‌رمانده‌یا بارزان ب ئه‌ڤرۆ نیۆز راگه‌هاند” ئه‌ف شه‌ڤه كاروانه‌كێ تیرۆرستێن داعش ل نێڤبه‌را هه‌ردو گوندێن سولتان عه‌بدولا و سالحیه لبه‌ربوو به‌ره‌ف سه‌نگه‌رێن پێشمه‌رگه‌ی ل گوندێ تلڕیم بهێن و هێرشی سه‌ر هێزێن پێشمه‌رگه‌ی بكه‌ن”.
ژێده‌ری گۆتژی” فڕۆكه‌یێن هه‌ڤپه‌یمانان ئه‌ف كاروانێ چه‌كدارێن داعش، بوردۆمانكرن و د ئه‌نجامدا سێ ترۆمبێلێن وان ب چه‌كدارڤه هاتنه سوتن، هه‌روه‌سا ل چه‌ند جهێن دیژی فڕۆكه‌یێن هه‌ڤپه‌یمانان بنگه‌هێن داعش بوردۆمانكرن و پیلانا وان هاتنه ژناڤبرن”.
