ل ناحیا سەرسنکی دێ دەست ب چێکرنا کارتا نیشتیمانی هێتە کرن
ئەڤرۆ نیوز، مەحمود نهێلی:
د رێ و رەسمەکی دا و ب بەرهەڤبوونا هەژمارەکا بەرپرسێن میری و حزبی و کەساتیێن دەڤەرێ، ئەڤرۆ ۲۷/۱۱/۲۰۱۹ فەرمانگەها کارتا نیشتیمانی ل ناحیا سەرسنکێ هاتە ڤەکرن و دەست ب چێکرنا کارتا نیشتیمانی هاتە کرن .
ئیسماعیل موستەفا رەشید، قایممقامێ قەزا ئامێدیێ دیار کر کو ب ڤەکرنا ڤێ فەرمانگەهێ دبیتە ئاسانکەری بۆ وه‌لاتیێن ناحیێن بامەرنێ و چەمانکێ و سەرسنکێ بۆ چێکرنا کارتا نیشتیمانی و زێدەتر خزمەتا وه‌لاتیان بهێتەکرن دی بواری دا. و هیڤی ژی خواستن کو ئەڤ فەرمانگەهە هاریکاربیت دگەل وه‌لاتیان دا ل دەمێ برێڤەبرنا مامەلەیێن وان، هەر ئەڤرۆ ژی دەست ب دروستکرنا کارتا نیشتیمانی بۆ هندەک خێزنێن شەهیدان هاتەکرن .
