ل هه‌ولێرێ دۆرپێچا لسه‌ر جزیرێ هاته شه‌رمه‌زاركرن
ئه‌ڤرۆ نیۆز، قائید میرۆ:
ئه‌ڤرۆ خرڤه‌بوون ژلایێ هژماره‌ك پارتێن سیاسی و رێكخراوێن مه‌ده‌نی بۆ پشته‌ڤانیا كوردێن باكورێ كوردستانێ هاته گێران.
ئێڤاریا ئه‌ڤرۆ لهه‌مبه‌ر پاركا شانده‌ر یا باژێڕێ هه‌ولێرێ، خرڤه‌بوونه‌ك بۆ پشته‌ڤانیا خه‌لكێ باكورێ كوردستانێ هاته كرن و یاداشته‌ك هاته به‌لاڤكرن و تێدا هاتیه، كو چاڤێن ئه‌ردوغانی سه‌رۆكێ توركیا ب سه‌ركه‌فتنا كوردێن باكۆر ناڕابن و داخواز دكه‌ین هه‌ده‌په پشكداریێ د حوكمه‌تا نوودا نه‌كه‌ت، هه‌روه‌سا پشته‌ڤانیا خه‌باتا گه‌لێ خوه ل باكورێ كوردستانێ دكه‌ین و دورپێچا لسه‌ر باژێڕێ جزیرێ جهێ شه‌رمه‌زاریێ یه.
عه‌لی مه‌حموود، رێكخه‌رێ خرڤه‌بوونێ ب ئه‌ڤرۆ نیۆز راگه‌هاند” كو رۆژا سێ شه‌مبیا داهاتی دێ خۆنیشاندانه‌كا به‌رفره‌هـ بۆهه‌مبه‌ر باره‌گایێ نه‌ته‌وێن ئێكگرتی هێته ئه‌نجامدان و تێدا ب توندی ئه‌ڤی شه‌ڕێ توركیا شه‌رمه‌زار كه‌ین.
