ل ڤێ ده‌ڤه‌رێ فرۆكێن توركیا وه‌لاتى كرینه ئارمانج
ئه‌ڤرۆ نیۆز،زنار تۆڤى
ئه‌ڤرۆ نیڤرۆ 30/7/2017 فرۆكێن توركیا چه‌ندین وه‌لاتى كرینه ئارمانج و ئێك ژ وان ب گرانى بریندار بوویه و نوكه ژیانا وى د مه‌ترسیێ دایه.
د ڤى وارى دا رێڤه‌به‌رێ ناحیا كانى ماسێ سه‌ربه‌ست سه‌برى بۆ ئه‌ڤرۆ نیۆز دیاركر:كو ئه‌ڤرۆ پێنج وه‌لاتێن خه‌لكێ زاخۆ ب مه‌ره‌ما گه‌شتكرنێ و گه‌ریانێ قه‌ستا سه‌ر رووبارێ زێى كریه ل نێزیك پرا بالۆكا ل ده‌ڤه‌را به‌روارى بالا و دو ترۆمبێل ژى ل گه‌ل دابوون،گۆت ژى لێ ل ده‌ژمێر 3:30 خۆله‌ك فرۆكێن توركیا ئه‌و هه‌ر پێنج وه‌لاتى بوردۆمانكرینه و د ئه‌نجامدا زیانێن ماددى گه‌هشتینه هه‌ردو ترۆمبێلێن وان و هه‌روه‌سا كه‌سه‌ك ژ وان ژى ب گرانى برینداربوویه و نوكه ره‌وشا وى یا د مه‌ترسیێ دا و گۆت ژى:ل ده‌مژمێر 7 ئێڤارى ژ نوو ئه‌و كه‌سێ بریندار گه‌هاندیه نه‌خۆشخانا رۆزانا ل كانى ماسێ و چاره‌سه‌ریا ده‌ستپێكى بۆ هاتیه‌كرن و هه‌روه‌سا هه‌ر چار وه‌لاتیێن دى ب سلامه‌ت بووینه.