ل یاریگەھا زاخۆ یا نوو سەروک ئەندامێن یانێ ژێ دێ پلێتا یاریێ کرن
ئەڤرۆ نیوز، ھشیار دوبانکی
بریارە ل رۆژا پێنج شەمبیا بھێت تیما تەپا پێ یا زاخۆ یاریا خوە یا ئێکێ یا فەرمی ل وەرزێ ئەڤ سالە ل یاریگەھا خوە یا نیڤدەولی بکەت ئەوژی دەمێ ل گەل یانا حدود بکەت ژ چارچوڤێ یاریێن گەرا سیێ ژ خۆلا فوکس یا عیراقێ.
خالد مەلا سادق رێڤەبەرێ یاریگەھا زاخۆ یا نیڤدەولی د داخویانیەکێ دا بۆ مالپەرێ ئەڤرۆ نیوز دیارکر بۆ ڤێ یاریێ دێ پلێت ھێنە دروستکرن و بۆ دیتنا یاریێ ھەمی کەس دێ ب پلێت چنە دناڤ یاریگەھێ دا و ئەندامێن یانێ و سەروک چێگرێ وی ژی بۆ دیتنا یاریێ پێدڤی یە پلێتا یاریێ بکرن.
ناڤبری ئاماژە ب وێ چەندێ ژی کر دبیت بھایێ پلێتی چو گرنگیا خوە نەبیت لێ ئەوان ئەڤ کارە کری یە بۆ رێکو پێکرنا یاریگەھێ و ھەردیسان ئەو کوژمێ بھێت بۆ پشتەڤانیا یانێ ژلایێ حەژێکەرێن یانێ ڤە.
