مامۆستایێن گرێبه‌ست دێ هێنه ڤه‌گوهاستن
ئه‌ڤرۆ نیۆز، قائید میرۆ
سه‌رۆكێ ئێكه‌تیا مامۆستایان ره‌تكر، مامۆستایێن گرێبه‌ست بهێنه دۆرخستن و دبێژیت، هێشتا پێدڤی ب دامه‌زراندنا مامۆستا هه‌یه.
عه‌بدولواحد محه‌مه‌د، سه‌رۆكێ ئێكه‌تیا مامۆستایێن كوردستانێ ب ئه‌ڤرۆ نیۆز راگه‌هاند” چو راستی بۆ هه‌لوه‌شاندنا گرێبه‌ستێن مامۆستایا نینه و ئه‌و مامۆستایێن بشێوه‌یێ گرێبه‌ست هاتینه دامه‌زراندن دێ حوكمه‌ت گرێبه‌ستا نوو بكه‌ت.
عه‌بدولواحد گۆتژی” هه‌رێما كوردستانێ پتر پێدڤی ب دامه‌زراندنا مامۆستا هه‌یه و هه‌ر مامۆستایه‌كێ گوره‌ی رێنمایان پێنج سالان خزمه‌ت هه‌بیت، دێ هێته ڤه‌گوهاستن بۆ جهێ نێزیك مالا وی.
