مامۆستایێ فره‌نسی گۆتنا هێرشا پشته‌ڤانه‌كێ داعش بۆ سه‌ر وی ژ ده‌ڤ خوه چێكرییه
ئه‌ڤرۆ نیوز:
ئه‌و مامۆستایێ ئه‌ڤرۆ ل پاریسێ گۆتی پشته‌ڤانه‌كێ داعش ب كێرێ هێرش كرییه سه‌ر وی و دگه‌ل هێرشێ گۆتییه “ئه‌ڤه بۆ داعشه”، دانپێدانكر كو وی دره‌و كرییه و ئه‌ڤ چیرۆكه ل ده‌ڤ خوه چێكرییه.
پشتی ئه‌و مامۆستا ب برینێن سڤك بۆ نه‌خۆشخانێ هاتیه هنارتن ناڤهاتی وه‌سا خویاكر بوو كو كه‌سه‌كی ئه‌و دایه به‌ر كێران و دگه‌ل هێرشێ گۆتییه ئه‌ڤه بۆ داعشه و ره‌ڤییه، لێ پشتی ده‌مژمێره‌كێ ل نه‌خۆشخانێ مای دانپێدانكر كو وی راستی نه‌گۆتیه و ئه‌ڤ روودانه ژ ده‌ڤ خوه چێكرییه.
پۆلیسێن فره‌نسی ده‌ست ب دووڤچوونێ كرییه بۆ زانینا وێ یه‌كێ مامۆستای چاوا خوه بریندار كرییه و بۆچی ئه‌ڤ چیرۆكه ژ ده‌ڤ خوه چێكرییه.