مانشێتێ ئەلندەکا نوی
سالح حەکیم
هەناسەیەک ژ وارێ شەوق دای
ژ ژینگەها زۆزانێن بای
ژ شڕشڕا ئاڤا ڕوبارێ ژین دای
ل باغێ هلمریسین و بێهنا
گولێن گولاڤ دای
دهەلکێشیت…
پاشی لسەر تابلۆیێ هەستا
بۆ هێلێن تیڕۆژکا ڕۆژی
نەخشا دکێشیت…
هەمی ئەلندێن سپێدێ
ب تێهزرینا مانشێتەکێ ژنوی
ژدایکبوویی دهەلیت
جاران ژی د دێمێ شەڤێ دا
دبمە ڕەڤەندەکێ زڕبارکری
هەمی ئێڤاریان ئاڤا دبیت
ل بیرۆکا خەونێن خوەیێن
سۆتی دبیتە مێهڤان
جار دبیت مەم خەما هەمی
زیندانییان هەلدگریت
ل میرگەها زینێ
ل نڤشێ عەشقێ
تەڤ بەکۆیا نەفرەت دکەت
جار ژی ب هەستەکێ تژی خۆزی
ب لەشەکێ شادی و کەنی
دناڤ گۆڕستانەکا تاری
هەمی ئۆمێدان دڤەشێریت.