مانچێسته‌ر یونایتد ب فه‌رمى ده‌ست ب دانوستاندنان ل گه‌ل ستێره‌كا ناپولى كر
ئه‌ڤرۆ نیوز:
یانا مانچێسته‌ر یونایتد ده‌ست ب دانوستاندنان كر بوو ڤه‌گوهاستنا ستێرا هێلا هێرشبه‌ریا یانا ناپولى یا ئیتالى بوو مێركاتویا زڤستانا بهێت.
رۆژناما میرو یا برێتانى ئاشكراكریه به‌رپرسێن یانا مان یونایتد ب فه‌رمى ده‌ست ب دانوستاندنان كرینه ل گه‌ل به‌رپرسێن یانا ناپولى بوو ڤه‌گوهاستنا هێرشبه‌رێ وێ یێ به‌لجیكى درایس میرتینز .
وێ رۆژنامێ دیاركریه ژى هه‌كه به‌رپرسێن یانا ناپولى نه گه‌هشته رێككه‌فتنێ ل ماوێ چه‌ند رۆژێن بورى ل گه‌ل میرتینز بوو درێژكرنا هه‌ڤبه‌ستا ئه‌وى ب رێژه‌یا هه‌ره مه‌زن دێ وى یاریزانى ل ڤه‌گوهاستنێن بهێت فروشن ژبه‌ركو هه‌ڤبه‌ستا ئه‌وى یاریزانێ ناڤبرى دێ ل دووماهیا وه‌رزێ ئه‌ڤ ساله ب دووماهیى هێت له‌روا ئه‌و دخوازن به‌رى ب دووماهیى هاتنا هه‌ڤبه‌ستا وى ئه‌و بفروشن داكو د ڤه‌گوهاستنا ئه‌وى دا د مفاداربن.
هه‌ردیسان وێ رۆژنامێ ئاماژه ب وێ چه‌ندێ ژى كریه به‌رپرسێن یانا ناپولى و یاریزان ل ماوێ دو حه‌فتیێن بورى نه گه‌هشتبوونه رێككه‌فتنێ پشتى وى یاریزانى داخوازیا شه‌ش ملیون یورۆیا كر وه‌كو موچه‌یێ دو سالان لێ به‌رپرسێن یانا ناپولى ئه‌و داخوازیا وى ره‌تكر بوو.
هه‌ردیسان هاتیه دیاركرن ژى یانا ئه‌نتر میلان ژى به‌رهه‌ڤیا خوه دیاركریه .
