مانچێسته‌ر یونایتد نێزیكى ئیمزاكرنا ڤى ستێرا ئورۆپى بوویه
ئه‌ڤرۆ نیوز:
یانا مانچێسته‌ر یونایتد نێزیكى ئیمزاكرنا هه‌ڤبه‌ستا ئیرلینگ هالاند ستێرا گه‌نچ یا هه‌لبژارتیێ نه‌رویج و یانا سالزبورگ یا نه‌مساوى بوویه بوو .
رۆژناما مترو یا برێتانى ئاشكراكریه یانا مانچێسته‌ر یونایتد بوو ڤه‌گوهاستنێن زڤستانا بهێت نێزیكى ئیمزاكرنا ستێرا گه‌نچ یا یانا سالزبورگ هالاند بوویه كو ئه‌و یاریزان نوكه بوویه جهێ گرنگیا به‌رنیاسترین یانێن ئورۆپى.
هه‌ردیسان وێ رۆژنامێ ئاشكراكریه ژى راهێنه‌رێ یانا مان یونایتد روله‌كێ مه‌زن هه‌یه بوو ڤه‌گوهاستنا ژبه‌ركو راهێنه‌رێ مانچێسته‌ر به‌رى نوكه راهێنه‌ریا وى یاریزانى كریه ل ده‌مێ هه‌ردو ل یانا مولده یا نه‌رویجى و ئه‌و یاریزان ژى دخوازیت جاره‌كا دى ل بن سه‌رپه‌رشتیا وى راهێنه‌رى یاریێ بكه‌ت .
ئیرلینگ هالاند یێ 19 سالى نوكه بوویه جهێ گرنگیا هژماره‌كا مه‌زن یا یانێن مه‌زن ل سه‌ر ئاستێ ئورۆپا ژ ئه‌وانان بایرن میونیخ و ریال مه‌درید و به‌رشه‌لۆنا و یوڤانتوس و پاریس سانجێرمان .
هالاند ل وه‌رزێ ئه‌ڤ ساله ل گه‌ل یانا خوه شیایه ئاسته‌كێ بلند پێشكێش بكه‌ت كو ل 26 یاریان شیایه 18 گولان توماربكه‌ت كو 7 ژ ئه‌وانان د قاره‌مانیا چامپیونیز لیگ دا توماركرینه و هه‌ردیسان شه‌ش گول ژى بوو هه‌ڤالێن خوه به‌رهه‌ڤكرینه.
