مانچێستەر ھەڤبەستەکا مەزن پێشکێشی ڤی ستێرا یوڤانتوس کر
ئەڤرۆ نیوز:
یانا مانچێستەر یوناید پشتی ھیڤێن دەربازبوونێ بۆ پلێتا دەربازبوونێ بۆ قارەمانیا چامپیونیز لیگ ژ دەستدای دخوازیت ل وەرزێ بھێت ب ھێز بھێتە دناڤ ھەڤرکیا خولا ئنگلتەرا و قارەمانیا یورۆپا لیگ ھەڤبەستێ ل گەل چەند یاریزانێن بەرنیاس ئیمزا بکەت ئێک ژ بەرنیاسترین مالپەرێن ئیتالی ئاشکراکریە یانا یوڤانتوس ب فەرمی ھەڤبەستەکا مەزن پێشکێشی یانا یوڤانتوس کریە بوو دەستڤە ئینانا ستێرەکا ئەوان بوو وەرزێ بھێت.
مالپەرێ توتو مێرکاتو یێ ئیتالی دیارکریە یانا مانچێستەر یوناید ل ماوێ چەند رۆژێن بوری ب فەرمی ھەڤبەستەک پێشکێشی یانا یوڤانتوس کریە ب کوژمێ ٥٠ ملیون یورۆیا وەکو ھەڤبەستا دەستپێکێ بوو دەستڤە ئینانا یاریزانێ ھێلا ناڤین راستێ یێ پورتوگالی جواو کانسیلو لێ یانا یوڤانتوس داخوازیا وێ یانا ئنگلیزی رەتکریە بۆ فروتنا وی یاریزانی.
زێدەتر وی مالپەری ئاشکراکریە یانا مان یوناید جارەکا دی دەست ب دانوستاندنان کریە ب رێیا بریکارێ وی یاریزانی خورخی میندیز بوو دەستڤە ئینانا ئەوی یاریزانی کو ڤێ جارێ یانا مانچێستەر بەرھەڤیا خوە دیارکریە یاریزانێ خوە و ھەلبژارتیێ ئیتالیا ماتیو دارمیان پێشکێشی یانا یوڤانتوس بکەن و بەرامبەر کوژمەکێ پارەی بوو دەستڤە ئینانا کانسیلو .
ئەوی مالپەری ئاماژە ب وێ چەندێ ژی کریە دبیت یانا یوڤانتوس ل سەر داخوازیا دوێ یا یانا مانچێتسەر یوناید رازی بیت فروتنا یاریزانێ خوە جواو کانسیلو د ھەمان دەم دا دەستڤە ئینانا یاریزانەکێ وەکو ماتیو دارمیان ل ھەمان جە یاری دکەت .
ھەژی گوتنێ یە کانسیلو ل ھاڤینا بوری یانا یوڤانتوس ھەڤبەست ل گەل ئیمزا کربوو پشتی ژ یانا ڤالنسیا ڤەگوھاستی یە دناڤ رێزێن خوە دا
