مایتێكرنا پشتەڤانان د ئینانا یاریزانان دا
نەهلا ئەحمەد
بابەتێ گرنگێ ئینان و هەلبژارتنا یاریزانان د وەرزێن ڤەگوهاستنا یاریزانان دا بۆ یانەیان دا ئێك ژ بابەتێن هەرە گرنگە، لێ ب مخابنی ڤە دشێین بێژین هەلبژارتن و ئینان و هەتا یاریكرنا یاریزانان د یاریێ دا ئێدی پشتەڤان مایتێكرنێ تێدا دكەن، ل ڤێرێ نابێژم كۆ پشتەڤان د شاشن بەلكو یا من دڤێت بێژم ئەرێ یا ڕەوایە كۆ د ئیدارا هەر یانەیەكێ دا كەسەكێ زیرەك و شەهرەزا و خودان سەربور نەبیت یاریزانان ب هەلبژێریت بۆ یانەیێ و هەتا كو د كرنا یاریێ دا، ب مخابنی ڤە ئێدی ئەڤ بابەتە گەهشتیە وی ڕادەیی هندەك پشتەڤانێن نە كارێ وان وەرزش ژی مایتێكرنێ د هەلبژارتنا یاریزانان دا دكەن، ئەرێ كی دبیتە ئەگەرێ هندێ كو بگەهیتە وی رادەی ئێدی هەتا كو وەلێ هاتیە پشتەڤانێن یانەیان مایتێكرنێ د هەلبژارتنا سەرۆك یانەیێ دا دكەن، بۆچوونا من دبینم ئەڤە ژ كاریسەیێن هەرە مەزنە ژ بەركو دبیت پشتەڤانەكی یا باش بڤێت لێ ب مخابنی ڤە پێنج پشتەڤانان یا باش بۆ یانەیێ نەڤێت ژ بۆ بنبركرنا ڤی بابەتێ مە ئاماژە پێ دای و ئەگەر مە بڤێت د پاشەروژێ دا كاریسە دروست نەبن ژ وان ژی یانە و تیم و یاریزان ژناڤ نەچن د برێڤەبرنا ئیدارێ دا مە كەسێن وەسا شەهرەزا و زیرەك هەبن كو نەهێلن پشتەڤان مایتێكرنا وی رادەیی بكەن كو یاریزانان ب هەلبژێرن ژ بۆ هندێ ئەگەر مە بڤێت ئەنجامێت یانەیێت مە یێت كوردی دباش بن بلا ئەم بێهلین ئیدارە ب كارێ خۆ رابن ژ بەركو ئەگەر تەماشە بكەین یانەیێن ئۆرۆپا د خوسارەتی و سەركەفتنان دا پشتەڤان كارتێكرنێ لێ دكەن بەس نە ب وی ڕادەیی یێ ئەم ل یانە و تیمێن خۆ دكەین بلا ئەم نەبینە ئەگەر ئەڤ وەرزشا ب بوها كەتی بێ بوها بكەین بەروڤاژی بلا ئەم دەست ب دەست یانەیێن خۆ بهێز بێخین و بێهلین كەسێن شەهرەزا و وەرزشڤان مایێ خوە د ئینان و هەلبژارتنا یاریزانان دا بكەن.
