مفایێن تڤرا سپی
ئەو کەسکاتیێن دەولەمەند ب پێکھاتێن ب مفا بۆ لەشی کو گەلەک کەس نزانن و دبیت گەلەکان سەرسۆرمان بکەت، کو نە کاکلک ب تنێ ژێدەرەکێ گرنگە بەلکو بەلگێن وان ژی ب ڤیتامین و کانزا و فولیک و پۆتاسیۆم و کالسیۆمی د دەولەمەندن.
تڤرا سپی بەری یا سۆر ھاتیە چاندن و ئەغریقیان گەلەک پویتە پێ دایە و نۆشداران شیرەتکرینە کو وێ تڤرێ بخۆن بۆ پاقژکرنا کەرستێن ژەھراوی ژ لەشی.
ئەڤەژی مفایێن تڤرا سپی نە:
دۆن و بەزی ژ ھەموو جھێن لەشی مرۆڤی دبوھژینیت و بتایبەت کماخێ.
یا ھاریکارە بۆ رێکخستنا کارێ ھەرەسانێ و ب لەز بەزی دحەلینیت.
فشارا خوینێ رێکدئێخیت و یا بلند نزم دکەت چونکو پوتاسیۆمێ تێدا.
دژاتیا ھەموو جۆرێن پەنجەشێرێ دکەت.
شانێن ساخلەم د لەشی دا دپارێزیت، کارێ دلێ و گولچیسکان رێکدئێخیت، ھەروەسا پرچێ و پیسی و نینۆکان ب ھێز دئێخیت چونکو ئاسن یێ د ناڤ دا.
یا ھاریکارە بۆ نەھێلانا نەخۆشیێن سەرمایێ و ھەودانا گەریێ و کوخکێ.
یا ھاریکارە بۆ پاراستنا شانێن خوینێ و کەرستێن ژەھراوی ژ لەشی دەردئێخیت.
کارێ کوئەندامێ ھەرەسانێ رێکدئێخیت و مەعیدەی نەرم دکەت و ناھێلیت مرۆڤ قەبز بیت.
پیستی نەرم و جوان و زەلال دکەت چونکو ڤیتامین C یێ تێدا ھەی.
ئاریشێن پیستی چارە دکەت وەکو ھشکبوونێ و پەق پەقبوونێ.
وەکو چارە بۆ پێڤەدانا مێش و مۆران وەکو زرکێتک و مێشا ھنگڤینی دھێتە بکارئینان.
خوارنا رێکخستی یا تڤرا سپی ھێزا لەشی ڤەدگەرینیت و بھێزتر لێدکەت.
