من دەمێ گێڕانا لایڤ مۆزیكان نینە
هەرهین محەمەد
سترانبێژ (دلوارسالح) د دیدارەكێ دا بۆ رۆژنامەیا ئەڤرۆ گۆت: من حەزا سترانگۆتنێ هەیە و ئەز بۆ خۆشی دبێژم، نەكو بۆ داهاتەكی ب دەستخۆڤە بینم، چونكو من كارێ خۆ یێ تایبەت هەیە و دەمێ سترانان دبێژم حەزدكەم هەموو جۆران بێژم، ئەڤینی بیت، یان نەتەوەی و مە گەلەك سترانبێژێن كچ هەنە و دەنگی وان یێ خۆشە، بەلێ ئەو كچا ئەز حەزژ دەنگێ وێ دكەم و من دڤێت سترانەكا دوقۆلی دگەل بێژم (سانا بەرزنجی) یە، ژبەركو گەلەك داخبارێ دەنگێ وێ مە و گەلەك سترانبێژ هەنە حەزدكەم سترانێن وان من گۆتبان.
هەروەسا گۆت: گەلەك سترانبێژێن گەنج دچنە لایڤ مۆزیكان، بەلێ ئەز حەزناكەم بچم، ژبەركو من ئەو دەم نینە و دبنیات دا هەبوونا لایڤ مۆزیكان یا گرنگە بۆ سترانبێژی و ئەو ژی خۆشیەكە و لایڤ مۆزیكان ژی بینەرەكێ تایبەت هەیە و سترانبێژ ژی حەز دكەت ژ هەموو لایان ڤە بینەر هەبیت و بەرهەم و كلیپ و سترانێن وی ببنە ترێند و بەرنیاس بن.
