مه‌ترسيدارترين وێنێن بووك وزاڤا ببينه
ئه‌ڤرۆنيۆز:
بووك وزاڤايه‌كى ل چينێ، وێنێن رۆژا پێكئينانا هه‌ڤژينيێ دگرن وهه‌موو وان ئه‌گه‌ران ژبير دكه‌ن هه‌كه شاشيه‌كا بچووك بكه‌ن دێ مرن.
وان بووك وزاڤا برياردابوو ب شێوه‌كێ جودا ئاهه‌نگا پێكئيننا هه‌ڤژينيێ بگێرن ووى نه‌ريتى بگوهۆرن كو ئاهه‌نگێن ژوى جۆرى ل هۆل وباخچان دگێرن ووێنان دكێشن، له‌وما هه‌ردويان برياردا بچنه سه‌رێ چيايه‌كێ ب زه‌حمه‌ت و بلند ووێنێن وێ رۆژێ بكه‌نه مه‌زنترين بيرهاتن.
وێنهيێن وان ل بلنداهيا چيايێ تشايا ل هه‌رێما هينان ل چينێ هاتنه گرتن كو ب مه‌ترسيدارترين چيا وجه دهيته هژمارتن، بووك وزاڤا جلكێن تايبه‌ت يێن ئاهه‌نگێ ل به‌رخوه كربوون وهه‌موو وان مه‌ترسيان ژبيردكه‌ن ده‌مێ ب سه‌ر وى چياى دكه‌ڤن.
ل دووڤ ده‌نگوباسه‌كێ رۆژناما (دايلى مه‌يلى) يا بريتانى، بلنداهيا وى جهێ وێنه لێ هاتينه گرتن نێزيكى 100 مه‌تران بوو. ئه‌و بووك وزاڤايانه ب تنێ نه‌بوون ده‌مێ ب سه‌ر چياى كه‌فتين، به‌لكو هنده‌ك كه‌سێن دى دگه‌لدا بوون ووه‌كو چياڤانان ژى وێنه دگه‌لدا گرتن.
