مهحفۆز ئیبراهیم: رێكخستنا قارهمانیێ ل ئامێدیێ پشتهڤانیه بۆ گهنجێن دهڤهرێ
ئهڤرۆ،
بڕیاره ئهڤرۆ چارشهمبی رێكهفتی10/ 8/ 2022 و بۆ جارا ئێكێ یه باژێرێ ئامێدیێ مێڤانداریا قارهمانیا پارێزگهها دهۆكێ بۆ یاریا كیك بۆكسینگێ بكهت ئهوا ل سهر ئاستێ لاوان، تازهپێگههشتیان و پشكۆژان كوڕ و كچان هێته ئهنجامدان.
لدۆر ڤێ یهكێ مهحفۆز ئیبراهیم سهرۆكێ ئێكهتیا كیك بۆكسینگا پارێزگههێ بۆ رۆژناما ئهڤرۆ گۆت: ژبۆ زێدهتر پشتهڤانی و پووتهدان بۆ ههموو یاریزانێن باژێر و دهڤهرێن پارێزگههێ بڕیاره ئهڤرۆ قارهمانیا پارێزگههێ ل باژێرێ ئامێدیێ بهێته ئهنجامدان كو دهێته پێشبینیكرن هژمارهكا مهزن یا یاریزانێن پێنچ یانه و هۆلێن وهرزشی پشكداربن ئهوژی یانێن دهۆك، زاخۆ، گاره، ئامێدیێ، تهناهی و زانكۆیا پۆلیتهكنیك پشتی كو ئهو یاریزان ژ تاقیكرنێن كهمهرێن رهنگین دهربازبوون.
ههروهسان ناڤهاتی دیاركر ئهڤ قارهمانیه باشترین بهرههڤیه بۆ ههموو یانه و یاریزانێن پشكدار ئهوا دێ ب چاڤدێریا نوونهراتیا دهۆك یا لژنا ئۆلمپیا كوردستانێ بۆ ماوێ دو رۆژان یا بهردهوامبیت، ب هیڤییا وێ یهكێ مفایهكێ مهزن ژێ بهێته وهرگرتن كو بۆ قارهمانیێن ئیراقێ و دهرڤه ببیته باشترین تاقیكرن و بهرههڤی.