مه‌سرۆر بارزانى: مه‌ترسى لسه‌ر پرۆسا سیاسى ل هه‌رێما كوردستانێ نینه
ئه‌ڤرۆ نیوز،زنار تۆڤى:
د پرێس كونفرانسه‌كێ دا ئه‌ڤرۆ ل رۆژا پێنجشه‌مبى، مه‌سرۆر بارزانى ئه‌ندامێ مه‌كته‌با سیاسیا پارتى دیموكراتى كوردستان دیاركر: نابیت پرسا سه‌رۆكاتیا هه‌رێمێ ب هێته كه‌سایه‌تیكرن و دڤێت گه‌ل بریارێ بده‌ت ل سه‌ر پرسا سه‌رۆكاتیا هه‌رێمێ و ئه‌گه‌ر لایه‌نێن سیاسى نه‌گه‌هشتنه رێكه‌فتنێ ل وى ده‌مى دڤێت خه‌لك بریارێ ل سه‌ر ڤێ پرسێ بده‌ت.
دیاركر ژى:نوكه چ مه‌ترسى ل سه‌ر پرۆسه‌یا سیاسى ل هه‌رێما كوردستانێ نینه و به‌لكو به‌رۆڤاژى ئه‌ڤه پرۆسه‌یه‌كا یاساییه و هه‌تانوكه چ ڤالاهى د پرسا سه‌رۆكاتیا هه‌رێمێ دا درۆست نه‌بووینه و سه‌رۆكاتیا هه‌رێمێ ب ره‌نگه‌كێ یاسایى كارێن خوه برێڤه دبه‌ت.
