مه‌له‌ك رۆژهات به‌حسێ ئيبراخێن ب ده‌ستێ خانمێن هه‌رێما كوردستانێ دهێنه چێكرن دكه‌ت
ئه‌ڤرۆ نيۆز:
مه‌له‌ك رۆژهات خانما هونه‌رمه‌ندا كورد يا خه‌لكێ باكوورێ كوردستانێ، چه‌ند هه‌يڤه‌كه ل هه‌ولێرێ دژيت ودبێژيت نوكه دسترانه‌كێ وكليپه‌كێ دا كاردكه‌م.
مه‌له‌ك رۆژهات ئاماژێ دده‌ت كو كار ل وان هه‌ردو به‌رهه‌مان يێ ب دووماهى هاتى، به‌لێ ژبه‌ر ره‌وشا هه‌رێمێ، من ده‌مێ به‌لاڤكرنا وان يا پاشخستى، چونكى ب ستايله‌كێ نوو من كارێ بۆ كرى.
مه‌له‌كێ ددياره‌كێ دا ل گه‌ل باس دبێژيت، نوكه سترانه‌ك يا ل به‌رده‌ست ومن دڤێت ب شێوێ دوێت ل گه‌ل هونه‌رمه‌نده‌كى دى بىلاڤ بكه‌م، ل دۆر ناڤێ وى هونه‌رمه‌ندى ژى گۆت من نهڤێت ناڤێ وى ئاشكرا بكه‌م وبلا ببيته سۆپرايز.
ل دۆر خوارنا مه‌له‌ك رۆژهات حه‌ز ژێ كرى ل هه‌رێما كوردستانێ، گۆت، من حه‌ز ژ خوارنا ئيبراخا كر، چونكى خانمێن ڤێرێ گه‌له‌ك ب تام به‌رهه‌ڤ دكه‌ن، ئه‌ز ژى دزانم چێكه‌م، به‌لێ من ل چو جهان ئيبراخێن ب تام وه‌كو يێن خانمێن هه‌ريما كوردستانێ به‌رهه‌ڤ دكه‌ن نه‌ديتينه.
