مورینهو دێ بیته رێگر د ریێا ریال مه‌درید و به‌رشه‌لونا دا
ئه‌ڤرۆ نیوز:
راهێنه‌رێ پورتوگالی و یانا مانچێسته‌ر یوناید جوزێ مورینهو داخوازیت دربه‌کی ل هه‌ردوو یانێن ریال مه‌درید و به‌رشه‌لونا بده‌ت ل ماوێ ڤه‌گوهاستنێن زڤستانی دا.
روژناما زه‌سه‌ن یا برێتانی دیارکریه به‌ره‌ڤانێ سینگالی و یانا ناپولێ کولیبالی بوویه ئارمانجا جوزۆ مورینهوی ل ڤه‌گوهاستنێن زڤستانێ ب هێز ئێخستنا پێکهاتیێ تیما خوه.
وێ روژنامێ دیارکریه ژی هه‌که مورینهو د ڤه‌گوهاستنا ڤی یاریزانی دا ب سه‌رکه‌ڤت دێ هه‌موو ئاریشه‌یێن وی ل هێلا به‌ره‌ڤانیێ چاره‌سه‌رکه‌ت ژبه‌رکو ماوه‌کێ درێژه ره‌وشا هێلا به‌ره‌ڤانیا مان یوناید نه ل ئا ستێ پێدڤی یه.
کولیبالی یێ ٢٧ سالی نوکه بوویه ئارمانجا هه‌ردو یانێن ریال مه‌درید و به‌شه‌لونا لێ مانچێسته‌ر یوناید داخوازیت هه‌ڤبه‌ستا وی ئیمزا بکه‌ت ل دیڤ گوتنا وێ روژنامێ یانا ئینگلیزی کوژمه‌کێ مه‌زنتر ژ هه‌ردو یانێن ئیسپانی پێشکێشكریه.
