مورینھوی مەرجەکێ زەحمەت دانا بەر ریال مەدرید
ئەڤرۆ نیوز، ھەژار مەعروف:
رۆژناما مارکا یا ئیسپانی ئاشکرا کریە راھێنەرێ یانا مانچستەر یوناید جوزێ مورینھوی مەرجەکێ ب زحمەت دانا بەر یانا ریال مەدرید بۆ ڤەگوھاستنا گولچیێ ئیسپانی دی خیا بۆ یانا ریال مەدرید ژ یانا مان یوناید کو داخوازیا ھێرشبەرەکێ یانێ کریە ل گەل کوژمەکێ پارەی کو ئەڤ مەرجە دێ یێ ب زحمەت بیت و دبیت ریال ھزرا ئینانا ڤی گولچیی نەکەت ل ماوێ مێرکاتویا بھێت.
ئەوێ رۆژنامێ دیارکریە ژی مورینھوی بۆ یانا ریال مەدرید دیارکریە ھەکە یانا ریال مەدرید بخوازیت ھەڤبەستێ ل گەل گولچیێ یانا ئەوان ئیمزا بکەت پێدڤی یە ھێرشبەرێ خوە ئەلفارو مورتا بدەتە یانێ ل گەل کوژمەکێ پارەی ژی ل سەرا ھەتا ئەو گولچیێ خوە بدەنە یانا مەلەکی ئەڤە مەرجێ ئەوانە بۆ دەست بەردانا دی خیا ژبەرکو کوژمێ فروتنا گولچیێ ئەوان ٧٥ ملیون یورۆ نە.
ژلایەکێ دویڤە چەند رۆژنامەیێن دی یێن ئیسپانی و ئیتالی دیارکرینە ئەڤ مەرجە دێ گەلەک یێ ب زحمەت بیت یانا ریال مەدرید ھزرێ لێ بکەت ژبەرکو موراتا ئێک ژ یاریزانێن زێدانی نە بۆ نەخشەیێ سالا بھێت ھەردیسان زێدەباری وێ چەندێ یانا ریال مەدرید ھزر ل فروتنا مورتای کر بیت ژێ دێ ب کوژمەکێ مەزنتر فروشیت داکو پتر مفای ژ ئەوی پارەی وەربگرن بۆ کرینا یاریزانەکێ بەرنیاس ل دویڤ راپورتێن رۆژنامەیێن ئیتالی یانا میلان ٦٠ ملیون یورۆ پێشکێشی یانا ریال مەدرید کرینە لێ ھەتا نوکە ریال بریارا دووماھیێ ل سەر نەدایە.
