مورینھو چاڤەرێ پەیوەندیا پێرێز یە
ئەڤرۆ نیوز:
رادیویا کادینا کوپێ یا ئسپانی راگەھاند کو نوکە راھێنەرێ پرتوگالی جوزێ مورینھو چاڤەرێ پەیوەندیا سەروکێ یانا ریال مەدریدە بۆ وەرگرتنا ئەرکێ یانا مەلەکی ل شوونا رافائێل بێنیتێز.
ھەمان ژێدەر ئەو چەندە ژی راگەھان کو نوکە مورینھو چاڤەرێ سەروکێ یانا ریال مەدریدە پێخەمەت دوبارە ڤەگەریتە یانا مەلەکی و بەردەوامی دان ب ھەڤرکیا دەستڤەئینانا ناسناڤێ قارەمانیا ئوروپا قارەمانێن خولان کو خەونا مورینھو یە ل گەل یانا ریال مەدرید و ئەگەر ئەڤ چەندە ب جە ھات پشتراست دێ ڤی ئەرکی وەرگریت ل شوونا رافائێل بێنێتێز ژ بەرکو نوکە یانا ریال مەدرید ئەنجام و ئاستێ وێ د باش نینن کو مەحالە ئەڤ راھێنەرە ھەتا دووماھیا ڤی وەرزی بمینت.
کادینا کوپێ ئەو چەندە ژی راگەھاند کو مورینھوی ھەڤبەستا یانا روما یا ئیتالی رەدکر.