موسلمانه‌كێ هندی ژبه‌ر ڤی ئه‌گه‌ری هاته به‌رباران كرن
ئه‌ڤرۆ نیوز:
زه‌لامه‌كێ موسلمان یێ هندی ژ ئالیێ گرۆپه‌كێ توره ڤه ل هندستانێ هاته به‌رباران كرن پشتی ده‌نگۆیێ وێ یه‌كێ به‌ربه‌لاڤبووی كو خێزانا وی گوشتێ چێلان یێ خاری.
موحه‌مه‌د ئه‌خلاق یێ 50 سالی ب لێدان ڤه ژ مالا وی ل گوندێ دادری ژ ئالیێ نێزیكی 100 كه‌سان ڤه هاته خشاندن و پاشی هاته به‌رباران كرن، پۆلیس شیان ڤێرا بگه‌هن و ب برینداری ژ وی گرۆپی قورتال كه‌ن، لێ ل نه‌خۆشخانێ گیانێ خوه ژ ده‌ست دا.
پشتی روودانێ كچا ئه‌خلاقی ئاشكرا كر كو وان كوشتێ بزنان یێ خاری و نه‌یێ چێلان و حكومه‌تا هندستانێ ژی 6 كه‌س ب تومه‌تا ئه‌نجامدانا به‌ربارنكرنێ ده‌سته‌سه‌ركرن.
ل چه‌ندین ویلایه‌تێن هندستانی كوشتنا چێلان هاتیه قه‌ده‌غه‌كرن كه پرانیا وان هیندوسێن لی هه‌ژماره‌كا به‌رچاڤا كریستیان و موسلمانان ژی لێ دژین.
