موناكو هه‌ڤبه‌ستا راهێنه‌رێ خوه یێ نوو راگه‌هاند
ئه‌ڤرۆ نیوز:
یانا موناكو یا فره‌نسى ب فه‌رمى راگه‌هاند ئه‌وان هه‌ڤبه‌ستا راهێنه‌رێ به‌رى نوكه یێ هه‌لبژارتیێ ئیسپانیا روبرت مورینو ئیمزاكر هه‌تا 2022 .
رۆژناما سپورت یا كه‌ته‌لونى دیاركر پشتى ئه‌ركێ مورینو ل گه‌ل هه‌لبژارتیێ ئیسپانیا ب دووماهیى هاتى چه‌ندین داخوازى گه‌هشتبوونه به‌ر ده‌ستێ وى راهێنه‌رێ ناڤبرى لێ ل دووماهیێ ئه‌و راهێنه‌ر ل سه‌ر داخوازیا یانا موناكو رازیبوو پشتى وێ یانێ ل ماوێ چه‌ند رۆژێن بورى هه‌ڤبه‌ستا راهێنه‌رێ خوه یێ پورتوگالى لیناردو گاردیم هه‌لوه‌شاندى .
هه‌ژى گوتنێ یه روبرت مورینو بوو ماوه‌كێ درێژ ل گه‌ل لویس ئه‌نریكى وه‌كو هاریكارێ راهێنه‌رى كاركر كو ل یانا روما 2011-2012 و ل به‌رشه‌لۆنا ژ 2014 هه‌تا 2017 ل هه‌لبژارتیێ ئیسپانیا و ل ڤاڤارتنێن یورۆیا 2019 وه‌كو راهێنه‌رێ به‌روه‌خت یێ هه‌لبژارتیێ ئیسپانیا هاته ده‌ست نیشانكرن ل جهێ راهێنه‌رێ ئێكێ لویس ئه‌نریكى ئه‌وێ بوو ده‌مه‌كى ژ پوستێ راهێنه‌ریا هه‌لبژارتیێ ئیسپانیا دوركه‌فتى ژبه‌ر ئه‌گه‌رێ نه‌خوشیه‌كا ته‌ندروستى یا خێزانى و مورینو شیا سه‌ركێشیا هه‌لبژارتیێ ئیسپانیا بكه‌ت بوو ده‌ربازبوونێ بۆ قاره‌مانیا یورۆیا 2020.
