مووچێ هەیڤا شەش دێ ل دووڤ کۆدێ بایۆمەتری هێته دابەشکرن
ئەڤرۆ نیۆز،زنار تۆڤی:
وەزارەتا دارایا و ئابووری یا حوکمەتا هەرێما کوردستانێ،دێ مووچێ هەیڤا 6 ل دووڤ کۆدێ بایۆمەتری دابەش کەت.
ل دووڤ ژێدەرەکێ باس کو ل ناڤ دیوانا وەزارەتا دارایی دەست کەفتیە،کو ل رۆژا سێشەمبی 8/8/2017 ژ لایێ وەزارەتا پێشمەرگەی ڤە، لیستا مووچێ هەیڤا 6 هاتیە رەوانەکرن بۆ وەزارەتا دارایی و ئەڤرۆ دێ کارێ هووربینیێ د وێ لیستێ دا هێتە تەمامکرن، بەلێ”بۆ دابەشکرنا مووچەی،هەتاکو نوکە نڤێسین بۆ نەهاتیە کرن“.
هەروەسا دهێتە چاڤەرێکرن ل ناڤەراستا حەفتیا بهێت، بریکارێ وەزیرارەتا دارایی،نڤێسینەکێ ئاراستەی گەنجینان بکەت بۆ دەست پێکرنا مووچێ وەزارەتا پێشمەرگەی،ل دووڤ دا دێ دابەشکرنا مووچێ هەیڤا 6 یێ فەرمانبەران دەست پێکەت.
وی ژێدەرێ ناڤ دیوانا وەزارەتا دارایی ئەو ژی گۆتیە،کو ل گەل مووچێ ڤێ هەیڤێ،دڤێت ل پال ناڤێ فەرمانبەران، ”ئەو کۆدە هاتبیتە نڤێسین یێ کو ل دووڤ تۆمارا بایۆمەتری بۆ فەرمانبەران هاتیەدان،لەورا بێی وی کۆدی ئەو فەرمانبەرە نەشێت مووچێ خوە وەربگریت“.
