ميسى دناڤ ليستا به‌رشه‌لونا دايه ل ياريا به‌رامبه‌ر ئه‌نترميلان
ئه‌ڤرۆنيوز:
يانا به‌رشه‌لونا يا ئيسپانى ليستا ناڤێن ياريكه‌رێن خوه ئه‌وێن دێ سوباهى دوشه‌مبى 5/11/2018 به‌ر ب باژێرێ ميلانۆ يێ ئيتالى چن بۆ ئه‌نجامدانا ياريا خوه ل به‌رامبه‌ر يانا ئه‌نتر ميلان يا ئيتالى دچارچۆڤێ خۆلا قاره‌مانێن ئه‌ورۆپا كو برياره ل رۆژا سێشه‌مبى 6/11/2018 بهێته ئه‌نجامدان.
د وێ ليستێ دا ناڤێ ياريكه‌رێ ئه‌رجه‌نتينى لوينێل ميسى يێ تێدا كو ل هه‌ر سێ ياريێن بۆرى يێن به‌رشه‌لونا دووركه‌فتبوو ژئه‌گه‌رێ شكه‌ستنا ده‌ستێ وى يێ راستى د ياريا ل به‌رامبه‌ر يانا ئه‌شبيليا دا.
مالپه‌رێ فه‌رمى يێ يانا به‌رشه‌لونا ل سه‌ر تويته‌رى به‌لاڤكر كو ميسى دێ ل گه‌ل به‌رشه‌لونا چيته باژێرێ ميلان، به‌لێ هه‌تا نوكه رازيبوونا تيما نوشدارى يا يانێ وه‌رنه‌گرتيه بۆ پشكداريێ د ياريێ دا ل به‌رامبه‌ر ئه‌نترميلان.
