مۆبايله‌ك ب هه‌يڤا ده‌ستكرد كار دكه‌ت
ئه‌ڤرۆ نيوز:
چه‌ند ئه‌ندازیاره‌كێن تورك و ب هاریكاریا (ده‌سته‌یا ڤه‌كولین و ته‌كنولژیا توركى) (TÜBİTAK) , ئامیره‌یه‌ك داهێناینه ب ناڤێ “سات – فی” (Sat-Fi)، ئه‌ڤ ئامیره دشێت ته‌له‌فونێن ژیرمه‌ند (زیره‌ك) ب (هه‌یڤێن پێشه‌سازی)ڤه ب گرێدت , و دئێته پێشبینیكرن ئه‌ڤ ئامیره ل توركیا و ئه‌ورپا و و وه‌لاتێن رۆژهه‌لاتا ناڤه‌راست ل مه‌ها بێت ب كه‌ڤنه كارى .
“ئاتیلا ئوزجه‌لیك” سه‌روكێ جڤاتا كارگێریا كومپانیا “گلوبال ستار ئوراسیا” بۆ ئاژانسا “ئه‌نادولا توركى” گۆت : ” ئه‌م هه‌ست ب شانازیێ دكن ب ڤێ داهێنانێ و ئه‌ڤ چه‌نده دێ ئاریشا نه‌مانا تورا هێلێن ته‌له‌فونێن موباییل ب دووماهى ئینت , و برێكا ڤى ئامیره‌ى دێ شێن ل هه‌رجهه‌كێ هه‌بت په‌یوه‌ندى ب تورێن ته‌له‌ڤونێ بكین “.
“ئوزجه‌لیكى” گۆتژى : ئه‌ڤ ئامیره هاتییه دورستكرن ب ده‌ستێ ئه‌ندازیارێن تورك و مه بۆ وه‌لاتێ ئه‌مریكا ژى ڤریكرینه , و ئه‌ڤه ئێكه‌م جاره ئامیره‌یه‌ك بێته دناڤا بازاریدا و په‌یوه‌ندیێ ب هه‌یڤێن پێشه‌سازى بكت , و ئه‌ڤ ئامیره دێ بت ئێك ژ (10) داهێنێن پتر مفا تێدا .
ئێك ئامیره دشێت په‌یوه‌ندیا (8) موبایلێن ژیرمه‌ند ب ئه‌سمان ڤه بگرێدت , و ل هه‌ر جهه‌كێ تورا هێلا ته‌له‌فونێ نه‌بت ژى دكێشت , و دێ برێكا ” وای- فای” (wi-fi) ژ موبایله‌كێ بۆ موبایله‌كێ چت .
هه‌روه‌سا ئامیرێ (سات فاى) دشێت په‌یوه‌ندیێ ب ئه‌نترنێتى ژى بكت , و ل وى ده‌مى هه‌مى ئاخفتن و نامه دێ بێ به‌رانبه‌ر بن برێكا ئه‌نترنیتێ ,
و هه‌روه‌سا ل ده‌مێن ته‌نگاڤیا برێكا “جی پی ئیس” (GPS)، مرۆڤ دشێت داخازا هاوارهاتنێ بكه‌ت .
