میسی نمرەکا نوو دخۆلا ئیسپانیا دا تومارکر
ئەڤرۆ نیوز:
ستێرا ئەرژەنتینی و یانا بەرشەلۆنا لیونێل میسی پشتی ل یاریا شەڤا بوری دا ل گەل یانا خوە شیا سەرکەفتنێ ل سەر یانا جیرونا توماربکەت د یاریێن گەرا ٢١ ژ خۆلا لالیگا شیا سەرکەفتنێن خوە دوێ دخولێ دا ب گەھینتە ٣٢٨ یاریان ژ سەرجەمێ ٤٣٦ یاریان و شیا ب گەھیتە نمرا ستێرا بەری نوکە یا ھەلبژارتیێ ئیسپانیا و یانا ریال مەدرید رەئول گونزالێس کو وی ژی د مێژویا پشکداریا خوە د خۆلا لالیگا دا ٣٢٨ سەرکەفتن تومارکرینە ژ سەرجەمێ ٥٥٠ یاریان .
ھەژی گوتنێ یە مێسی گەلەک نێزیکی نمرا مێژوی یا وێ خولێ بوویە کو گولچیێ بەری نوکە یێ یانا ریال مەدرید کاسیاس خودانێ مەزنترین سەرکەفتن دخۆلا ئیسپانیا دا ئەوژی دەمێ ل گەل یانا ریال مەدرید شیای د سەرجەمێ ٥١٠ یاریان دا ٣٣٤ سەرکەفتن تومارکرین و ل رێزا دوێ زوبیزاریتا ٣٣٣ سەرکەفتن ل سەرجەمێ ٦٢٢ یاریان.
