میونیخ بوو جارا ٢٩ بوو قارەمان و یانێن دەربازی قارەمانیا ئورۆپا بووین و پاشڤەزفرین دخولا ئەلمانیا دا بنیاسە
ئەڤرۆ نیوز:
یانا بایرن میونیخ بوو جارا حەفتێ ل دیڤ ئێک و ٢٨ د مێژویا خوە دا شیا ناسناڤێ خولا ئەلمانیا یا بوندس لیگا ب دەستخوڤە ببەت پشتی شیای د یاریا خوە یا ئەڤرۆ دا ب سەرکەڤیت ل سەر یانا ئنتراخت فرانکفورت د گەرا ٣٤ و دووماھیێ دا ب پێنچ گولان بێ بەرامبەر و ب ڤی ئەنجامی بایرن ب ٧٨ خالان شیا ناسناڤێ قارەمانیێ ب دەستخوڤە بینت و یانا بروسیا دورتموند ل رێزا دوێ دھات ب ٧٦ خالان و ھەردو یانێن لایبزیگ و بایرن لیڤەرکوزن ژی پلێتا دەربازبوونێ بۆ قارەمانیا چامپیونیز لیگ ب دەستخوڤە ئینا پشتی شیان رێزا سیێ و چارێ ب دەستخوڤە بینن و ھەر سێ یانێن بروسیا مشنگلادباگ و ڤولڤسبورک و ئنتراخت فرانکفورت ژی پلێتێن دەربازبوونێ بۆ قارەمانیا یورۆیا لیگ ب دەستخوڤە ئینا.
ژلایەکێ دیڤە ھەردو یانێن نورونبێرگ و ھانوڤەر ژی ب فەرمی پاشڤەزفرینە خۆلا پلا دو یا ئەلمانیا و یانا شوتگارت ژی دێ چاڤەرێ تیما رێزا سیێ بیت یا خۆلا پلا دو یا ئەلمانیا بوو ئەنجامدانا دو یاریێن چارەنڤیسی ل گەل ئێک.