مەحموود ئیبراهیم: ژبەر سەربۆڕا سەركەفتنێ مە قارەمانی ڤەگەڕاندە دهۆكێ
قەیس وەیس:
د داخویانیەكێ دا مەحموود ئیبراهیم سەرۆكێ فدراسیۆنا یارییا تیكۆنجتسۆ و سكەیی یا عەرەبی دوبات كر ڕازیبوون ل سەر مێڤانداریكرنا پارێزگەها دهۆكێ بۆ قارەمانییا عەرەبی ل سەر ئاستێ هەلبژارتیێن وەلاتان و یانەیێن وەرزشی بۆ كوڕان و كچان هاتیە كرن ئەوا بڕیارە ل دووماهییا مەها بهێت دەسپێبكەت و سپاسییا پارێزگارێ دهۆكێ و بەرپرسێن وەرزشی یێن دەڤەرێ دكەین بۆ هەڤكارییا وان.
زێدەتر ناڤهاتی گۆت: لدووڤ بەرنامەیێ مە یێ سالانە بەری مەهەكێ بڕیارا دانانا قارەمانییا عەرەبی ل سەر ئاستێ هەلبژارتیێن وەلاتان و یانەیێن وەرزشی ل دووماهییا چریا دویێ یا ئەڤ سالە بهێتە كرن، پشتی بادەكا باژێرێن چەند وەلاتێن هەتا عەرەبی هاتینە وەرگرتن ژ وانا ئیراقێ كو باژێرێ دهۆكێ دەستنیشان كربوو، لژنەیا ڕێكخستن و دووڤچوونێ ل سەر هەموو خالان ڕاوەستیان و دیتنا ژێرخانەیا وەرزشی، پشتی فلتەر بۆ هەموو بدەكا هاتیە كرن، ژبەر خالێن سەركەفتنێ مە ب دەنگێ گشت ئەندامێن دەستەیێ ڕازیبوونا خوە دیار كر قارەمانییا ئەڤ سالە ل پارێزگەها دهۆكێ بهێتە كر و ژڤانێ وێ ژی دێ ل19ێ هەتا 23ێ چریا دویێ یا بهێت دەستپێكەت.
ژلایەكێ دووڤە ناڤهاتی پەسنا باژێرێ دهۆكێ و بەرپرسێن دەڤەرێ كر و گۆت: ب سوپاسی ڤە پارێزگارێ دهۆكێ و سەرۆكێ لژنەیا ئۆلمپی و ڕێڤەبەرێ وەرزشی ل پارێزگەهێ پشتەڤان و هاریكارێن مەنە و ئەگەرەكێ بهێز بوو كو ڕازیبوون ل سەر باژێرێ دهۆكێ بهێتە كرن و ژبەر جوانیا ڤی باژێری ژی و سەقایێ خوەش و هەبوونا جهێن گەشتیاری هەبوو خالان وەكر دەستەیا گشتی و هەلبژارتیبێن پشكدار حەزا ڤی باژێر هەبن، هیڤییا مە ئەوە بشێن جوانترین شێوە و ڕێكخستنەكا سەركەفتی بكەین و ئەز د وێ باوەرێ دا مە دێ یا سەركەفتی بیت.
ژلایێ خوەڤە شیمال محەمەد سالح ڕاهێنەرێ گشتی یێ ڤێ یاریێ گۆت: ب خوەشحالی ڤە پشتی ڕازیبوونا هاتیە كرن باژێرێ مە دێ مێڤاندارییا قارەمانییێ كەت، ئەڤە باشترین دەلیڤەیە بۆ كوڕ و كچێن مە ب گەهنە ئاستێن بلندتر و ناسناڤێن عەرەبی ژی ب دەستڤە بینن، مە ل پارێزگەهێ یانەیا دهۆك، پیرس ل سەر ئاستێ كوڕان و یانەیا ئافرەتێن دهۆكێ ل سەر ئاستێ كچان یاریزانێن باش هەنە و پێتشر قارەمانێن ئیراقێ و دەرڤە بوون، پشت گەرمییا مە ب وان ڤەیە كو دێ ئەنجامێن دلخوەشكەر ئینن.
