مەسرور بارزانی ڕازیبوون ل سەر پێنج پڕۆژەیێن مەزن و ستراتیژیێن ئاڤێ دا
رەمەزان زەكەریا:
د چارچۆڤەیێ بزاڤ و گرنگیدانا بەردەواما كابینەیا نەهێ یا حوكمەتا هەرێما كوردستانێ و ب پشتەڤانیا ڕاستەوخۆ یا مەسرور بارزانی، سەرۆك وەزیران، ڕازیبوونا فەرمی بۆ پێنج پڕۆژەیێن ستراتیژیێن ئاڤێ ل هەرێما كوردستانێ هاتە وەرگرتن، هەڤدەم تەمامیا ئامادەكاریێن ئەندازیاری و كارگێڕی ژی بۆ بجهئینانا وان ب دووماهی هاتینە.
ئاری ئەحمەد، ڕێڤەبەرێ گشتیێ ئاڤا هەرێما كوردستانێ ڕاگەهاند: مەسرور بارزانی، سەرۆك وەزیران ڕازیبوونا فەرمی بۆ پێنج پڕۆژەیێن ستراتیژیێن ئاڤێ ل هەرێما كوردستانێ دا و گۆت: «كابینەیا نەهێ ڕێك نەدا ئاستەنگێن دارایێن نوكە ببنە ڕێگر ل هەمبەر نەخشەڕێیا پاشەڕۆژێ، لەورا تەمامیا دیزاین و ڤەكۆلینێن پێدڤیێن پڕۆژەیان 100% تەمامبووینە، دا كو ل گەل دابینكرنا شایستەیێن دارایی ژ لایێ حكومەتێ ڤە، بهێنە بجهئینان».
ب تەما مبوونا پڕۆژەیان د پاشەرۆژێ دا ژێرخانەكا ب هێز یا ئاڤێ بۆ چەندین سالان دێ هێتە دابینكرن و خزمەتەكا مەزن دێ پێشكێشی سەدان هەزار وەلاتیێن وان دەڤەران هێتە كرن.
