مەکتەبا سیاسی یا پارتی یادا مامۆستا عەلی عەبوللای بلند ڕادگریت
دوهی ٢٠/١٠/٢٠٢٦ د ڕێوڕەسمەکێ ژ هەژی دا، مەکتەبا سیاسی یا پارتی دیموکراتی کوردستان یادا مامۆستایێ پارتایەتیێ، تێکۆشەڕ و سیاسەتمەدارێ ب ناڤودەنگێ گەلێ کوردستانێ، مامۆستا عەلی عەبدوللای بلند ڕاگرت.
ڕێوڕەسم ب ئامادەبوونا سیداد بارزانی، نوونەرێ جەنابێ سەرۆک بارزانی، فازل میرانی، بەرپرسێ دەستەیا کارگێڕی یا مەکتەبا سیاسی، هشیار زێباری، ئەندامێ دەستەیا کارگێڕی و پشکەکا ئەندامێن مەکتەبا سیاسی، عەدنان موفتی، سەرۆکێ خۆلا دویێ یا پەڕلەمانێ کوردستانێ، بەرپرسێن پشکێن مەکتەبا سیاسی و ئەندامێن کۆمیتەیا ناڤین، نڤیسینگەهێن جێگرێن هێژا سەرۆک، ئەندامێن جڤاتا تێکۆشەڕان، هژمارەکا بەرپرسێن لقەیان، مالباتا مامۆستا عەلی عەبدوللای بڕێڤەچوو.
د. سالار عوسمان، بەرپرسێ پشکا ڕەوشەنبیری و ڕاگەهاندنا پارتی، گۆتارا بخێرهاتنێ پێشکێشکر و ب گەرمی بخێرهاتنا مێڤانان کر، دیسا تیشک ئێخستە سەر وەستگەهێن سەروەری، خەبات و تێکۆشانێن مامۆستا عەلی عەبدوللای.
پاشی فلمەکێ دۆکیۆمێنتاری ل دۆر ژیانا مامۆستا عەلی عەبدۆللای هاتە نیشادان.
پاشی، فازل میرانی، بەرپرسێ دەستەیا کارگێڕی یا مەکتەبا سیاسی، گۆتارەک پێشکێشکر و تێدا ب هویری باس ل ژیان و کاروانێ پڕ ژ سەروەری یێ مامۆستا عەلی عەبدوللای کر.
