ناتۆ داخوازا پشته‌ڤانیێ بۆ هێزێن پێشمەرگەی دكه‌ت
ئەڤرۆ نیوز،زنار تۆڤی:
نوونەرێ حوکمەتا هەرێما کوردستانێ ل ئێکەتیا ئورۆپا دلاوەر ئاشگەیی بۆ ئەڤڕۆ نیوز راگەهاند:پشتی بدوماهی هاتنا کۆمبوونا سالانە یا پەرلەمانتارێن وەلاتێن ئەندام ل پەیمانا ناتۆ دا کو ل ئۆسلۆیا پایتەختێ نەرویج هاتبوو بەستن،د وێ کۆمبوونێدا ئەنجۆمەنێ پەرلەمانێ پەیمانا ناتۆ داخوازا هاریکاریێن سەربازی و مەشق و راهێنانا بۆ پێشمەڕگەی كر.
ناڤهاتی گۆت ژی:ئەڤ هەولا پەرلەمانێ ناتۆ پشتی سەرەدانا شاندەکێ مەجلسا پیرێن بەلجیکا دهێت بۆ هەرێما کوردستانێ کو ژلایێ نوونەراتیا حوکمەتا هەرێما کوردستانێ ل ئێکەتیا ئورۆپا هاتبوو رێکخستن،ب مەبەستا ئاگەهداربوونا وان ل رەوشا کوردستانێ و پێدڤیێن هێزێن پێشمەرگەی و رەوشا ئاوارەیان.
دلاوەری گۆت ژی: دبەشەکێ دی یێ وی پرۆژە بریارێ دا هەلویستێ چەند وەلاتێن دەڤەرێ و هەرێما کوردستانێ بلند هاتە نرخاندن ل پێشوازیکرنا ئاواران و دەربەدەران و داخوازا هاریکاریێن زێدەتر دکەن.
